Հայկական ֆոլկը՝ յուրովի մատուցմամբ. երգչուհի Անուշ Ավագյանը երաժշտասերներին հաճելի անակնկալեր է խոստանում... Երգչուհի Անուշ Ավագյանի երաժշտական կենսագրականը բավական հարուստ է և ներկայանալի: նա հանդիսատեսին իր անկրկնելի կատարումներով ու գեղեցիկ ձայնով գերել է դեռ 4 տարեկանից: Երաժշտական մեծ ճանապարհ անցած արտիստն այսօր հանդիսատեսին նոր ասելիք ունի, ինչը բացահայտեցինք՝ նրա հետ ունեցած մեր զրույցի ընթացքում: - Սիրելի Անուշ, երաժշտական ասպարեզում Ձեր մուտքը թեև նոր չէ, ամեն դեպքում խնդրում եմ պատմեք երաժշտական Ձեր գործունության մասին: Ո՞ր տարիքից եք երգել կամ՝ երաժշտական Ձեր առաջին քայլերն ինչպես ե՞ք արել. - Մայրիկիս պատմելով, երգել եմ լույս աշխարհ գալուն պես: Նրա խոսքերով բժիշկները ասում էին, որ այս երեխան երգում է՝ ոչ թե լացում: Բեմ եմ դուրս եկել առաջին անգամ չորս տարեկանում, և այդ օրվանից մինչ 2008թ. (Հայաստան գալս) ամսվա մեջ ունեցել եմ մոտ 20 համերգ` մայրիկիս և քույրիկս հետ Ռուսաստանի Դաշնության տարբեր քաղաքներում: - Երաժշտական ո՞ր ոճն է Ձեզ առավել հարազատ և ո՞ր ոճում եք Ձե...